എന്ഐഎ കസ്റ്റഡിയിലെടുത്ത നേതാക്കളെ വിട്ടയച്ചില്ലെങ്കില് നാളെ ഹര്ത്താല് ആചരിക്കുമെന്ന് പോപ്പുലര് ഫ്രണ്ട്.പോപ്പുലര് ഫ്രണ്ടിനെ തകര്ക്കുകയെന്ന ആര്എസ്എസ് അജന്ഡയാണ് കേന്ദ്ര ഏജന്സികള് നടത്തുന്നത്.സംഘടനയെ നിരോധിക്കാനാണ് ലക്ഷ്യമെങ്കില് നേരിടുമെന്നും പോപ്പുലര് ഫ്രണ്ട് സംസ്ഥാന ജനറല് സെക്രട്ടറി അബ്ദുള് സത്താര് പറഞ്ഞു.
രണ്ടാ മോദി സര്ക്കാര് അധികാരത്തില് വന്നതിന് പിന്നാലെ വ്യാപകമായി പോപ്പുലര് ഫ്രണ്ട് ഓഫ് ഇന്ത്യയെയും അതിന്റെ നേതാക്കന്മാരെയും പ്രവര്ത്തകരെയും വേട്ടയാടുന്ന നടപടിയാണ് രാജ്യത്ത് നടക്കുന്നത്. വേട്ടയാടി ഇല്ലാതാക്കുകയെന്നത് ആര്എസ്എസ് ലക്ഷ്യമാണ്. അത് നടപ്പാക്കുന്ന പണിയാണ് കേന്ദ്രഏജന്സി ചെയ്തു കൊണ്ടിരിക്കുന്നത്. നേതാക്കന്മാരെ വിട്ടുകിട്ടിയില്ലെങ്കില് നാളെ ഹര്ത്താല് ഉള്പ്പടെ ശക്തമായ പ്രതിഷേധം തുടരുമെന്നും സത്താര് വാര്ത്താ സമ്മേളനത്തില് വ്യക്തമാക്കി.ദേശീയ പ്രസിഡന്റും ജനറല് സെക്രട്ടറിയുമടക്കം 15 പോപ്പുലര് ഫ്രണ്ട് നേതാക്കളെ സംസ്ഥാനത്തുനിന്നും എന്ഐഎ കസ്റ്റഡിയിലെടുത്തു.