ഗ്രേം സ്മിത്ത് വിരമിക്കുന്നു

ജോഹാന്നാസ്ബര്‍ഗ്: ദക്ഷിണാഫ്രിക്കന്‍ ടെസ്റ്റ് ക്രിക്കറ്റ് ടീം ക്യാപ്ടന്‍ ഗ്രേം സ്മിത്ത് അന്താരാഷ്ട്ര ക്രിക്കറ്റില്‍ നിന്ന് വിരമിക്കുന്നു. ആസ്‌ട്രേലിയക്കെതിരായ ടെസ്റ്റ് പരമ്പരയ്ക്കിടെയാണ് സ്മിത്ത് അപ്രതീക്ഷിതമായി വിരമിക്കല്‍ പ്രഖ്യാപിച്ചത്. ഏറ്റവും കൂടുതല്‍ കാലം ദക്ഷിണാഫ്രിക്കന്‍ ടെസ്റ്റ് ടീം ക്യാപ്റ്റനായ താരമാണു സ്മിത്ത്.

2002ല്‍ ആസ്‌ട്രേലിയയ്‌ക്കെതിരയായിരുന്നു ടെസ്റ്റില്‍ സ്മിത്തിന്റെ അരങ്ങേറ്റം. 116 ടെസ്റ്റു മത്സരങ്ങളില്‍ നിന്ന് 48.72 ബാറ്റിംഗ് ശരാശരിയോടെ 9257 റണ്‍സാണ് സ്മിത്തിന്റെ സമ്പാദ്യം. 27 സെഞ്ച്വറികളും 37 അര്‍ദ്ധ സെഞ്ച്വറികളും നേടിയിട്ടുണ്ട്. 277 ആണ് കരിയറിലെ ഉയര്‍ന്ന സ്‌കോര്‍.