തുണി മാസ്കുകൾക്കെതിരെ മുന്നറിയിപ്പുമായി വിദഗ്ധർ

വർണ്ണാഭമായ, പുനരുപയോഗിക്കാവുന്ന തുണികൊണ്ടുള്ള മുഖംമൂടികൾ ഉപയോഗിക്കുന്നതിന് മുമ്പ് ആളുകളെ രണ്ടുവട്ടം ചിന്തിക്കാൻ പ്രേരിപ്പിച്ചിരിക്കുകയാണ് ഒമൈക്രോൺ.

“തുണി മാസ്കുകൾ ചിലപ്പോൾ നല്ലതോ അല്ലെങ്കിൽ മോശമോ ആകാം ഏത് ഫാബ്രിക് ഉപയോഗിക്കുന്നു എന്നതിനെ ആശ്രയിച്ചിരിക്കും ഇത്,” ഓക്സ്ഫോർഡ് സർവകലാശാലയിലെ പ്രാഥമിക ആരോഗ്യ സേവനങ്ങളുടെ പ്രൊഫസർ ട്രിഷ് ഗ്രീൻഹാൽഗ് പറഞ്ഞു.

“മെറ്റീരിയലുകളുടെ മിശ്രിതം കൊണ്ട് നിർമ്മിച്ച ഇരട്ട അല്ലെങ്കിൽ ട്രിപ്പിൾ ലെയർ മാസ്കുകൾ കൂടുതൽ ഫലപ്രദമാണ്, എന്നാൽ മിക്ക തുണി മാസ്കുകളും ‘ഫാഷൻ ആക്സസറികൾ’ മാത്രമാണ്,” ഗ്രീൻഹാൽഗ് പറയുന്നു.

വ്യാപന ശേഷി കൂടിയ ഒമൈക്രോൺ ലോകമെമ്പാടും കോവിഡ് അണുബാധ വർദ്ധിക്കുന്നതിന് കാരണമാകുമ്പോൾ, ലോകമെമ്പാടുമുള്ള സർക്കാരുകൾ അതിന്റെ വ്യാപനം തടയാൻ നിയന്ത്രണങ്ങൾ കർശനമാക്കുകയാണ്. ഈ മാസം ആദ്യം ബ്രിട്ടനിൽ പൊതുഗതാഗതത്തിലും കടകളിലും ചില ഇൻഡോർ വേദികളിലും മാസ്ക് ധരിക്കുന്നത് നിർബന്ധമാക്കിയിരുന്നു. നേരത്തെ ഈ നിയമങ്ങളിൽ ഇളവ് വരുത്തിയിരുന്നു.

കോവിഡ് വ്യാപനം ആരംഭിച്ചതിനെ തുടർന്ന് ആളുകൾ എപ്പോൾ, എവിടെയാണ് മുഖംമൂടി ധരിക്കേണ്ടതെന്നും ഏത് തരത്തിലുള്ള മുഖമൂടികൾ തിരഞ്ഞെടുക്കണമെന്നും വിവിധ സ്ഥലങ്ങളിലെ അധികാരികൾ വ്യത്യസ്ത അഭിപ്രായങ്ങൾ ഇതിനോടകം പറഞ്ഞിട്ടുണ്ട്.

ഒരു തുണി മാസ്കിന്റെ പ്രധാന പ്രശ്നം അവയ്ക്ക് ഒരു തരത്തിലുള്ള ആരോഗ്യ മാനദണ്ഡവും പാലിക്കേണ്ടതില്ല എന്നതാണ്, ഗ്രീൻഹാൽഗ് പറയുന്നു. നേരെമറിച്ച്, N95 റെസ്പിറേറ്റർ മാസ്കുകൾ നിർമ്മിക്കുന്നവർ, ഉദാഹരണത്തിന്, അവ 95% കണങ്ങളെയും ഫിൽട്ടർ ചെയ്യുന്നുണ്ടെന്ന് ഉറപ്പാക്കേണ്ടതുണ്ട്.

എന്നാൽ, മാസ്ക് നിങ്ങളുടെ മൂക്കും വായും ശരിയായി മറയ്ക്കുന്നില്ലെങ്കിൽ നല്ല ഫിൽട്ടറേഷൻ ഉപയോഗശൂന്യമാണ്. നിങ്ങൾക്ക് മാസ്കിലൂടെ എളുപ്പത്തിൽ ശ്വസിക്കാനും കഴിയണം, ഗ്രീൻഹാൽഗ് പറഞ്ഞു.

പാരിസ്ഥിതികമോ സാമ്പത്തികമോ ആയ ആശങ്കയുള്ള ഉപഭോക്താക്കൾ തുണി മാസ്കുകൾ ഉപയോഗിക്കുന്നു, കാരണം അവ കഴുകാം, ഫിൽട്ടറേഷൻ മാനദണ്ഡങ്ങൾ പാലിക്കുന്ന വീണ്ടും ഉപയോഗിക്കാവുന്ന മാസ്കുകൾ ഇപ്പോൾ ലഭ്യമാണ്.

സിംഗിൾ-ലെയർക്ലോത്ത് മാസ്കുകൾ ഉപേക്ഷിച്ച്‌ ഇറുകിയ നന്നായി ഘടിപ്പിച്ച മാസ്ക് ഉപയോഗിക്കാനാണ് കാനഡയിൽ നിർദ്ദേശിച്ചിരിക്കുന്നത്.

“മാസ്കിൽ ഒരൊറ്റ പാളി മാത്രമേ ഉള്ളൂ എങ്കിൽ, ഫിൽട്രേറ്റ് ചെയ്യാനുള്ള കഴിവ് വളരെ കുറവാണ്, അതുകൊണ്ട് പ്രത്യേകിച്ച് ഗുണം ഒന്നും ഉണ്ടാക്കില്ല എന്നതാണ് ഇവിടെയുള്ള പ്രശ്നം,” ഒന്റാറിയോയുടെ സയൻസ് അഡൈ്വസറി ടേബിൾ മേധാവി പീറ്റർ ജൂനി കഴിഞ്ഞ ആഴ്ച CTV ന്യൂസിന് നൽകിയ അഭിമുഖത്തിൽ പറഞ്ഞു.