ദളിത് യുവതിക്കെതിരെ ലൈംഗിക പീഡനം നടത്തിയ കേസിൽ സിവിക് ചന്ദ്രൻ ചോദ്യം ചെയ്യലിന് ഹാജരായി. സിവിക് ചന്ദ്രന്‍ കൊയിലാണ്ടി സ്റ്റേഷനിൽ ഹാജരായത് . രണ്ടാമത്തെ കേസിൽ ഒപ്പിടാനാണ് ഹാജരായത്. ഹൈക്കോടതി നിര്‍ദ്ദേശപ്രകാരം രണ്ടാമത്തെ പീഡന കേസിൽ ഒരു ലക്ഷം രൂപയുടെയും രണ്ട് ആൾ ജാമ്യത്തിന്‍റെയും വ്യവസ്ഥയില്‍ വിട്ടയച്ചു.
ഇയാളുടെ മുൻകൂർ ജാമ്യം കഴിഞ്ഞ ദിവസം ഹൈക്കോടതി റദ്ദാക്കിയിരുന്നു. സർക്കാരും പരാതിക്കാരിയും നൽകിയ അപ്പീൽ അംഗീകരിച്ചാണ് ഹൈക്കോടതി മുൻകൂർ ജാമ്യം റദ്ദാക്കിയത്. ജസ്റ്റിസ് എ ബദ്റുദ്ദീന്റേതാണ് ഉത്തരവ്. അറസ്റ്റ് ചെയ്യുകയാണെങ്കിൽ ഉടൻ പ്രത്യേക കോടതിയിൽ ഹാജറാക്കണമെന്നും അന്ന് തന്നെ കോടതി ജാമ്യ ഹർജി പരിഗണിക്കണമെന്നും കോടതി നിർദ്ദേശിച്ചു.
