കോഴിക്കോട്: എഴുത്തുകാരിയും, പട്ടികജാതിക്കാരിയുമായ യുവതിയെ പീഡിപ്പിച്ച സംസ്ക്കാരിക പ്രവർത്തകൻ സിവിക് ചന്ദ്രനെ പട്ടികജാതി/പട്ടികവർഗ്ഗ പീഡന നിയമ പ്രകാരം ഉടൻ അറസ്റ്റ് ചെയ്യണമെന്ന് അംബേദ്കർ പീപ്പിൾസ് ഫെഡറേഷൻ ആവശ്യപ്പെട്ടു.
സിവിക് ചന്ദ്രൻ്റെ പേരിൽ തുല്യമായ ഇത്തരത്തിൽ പല കേസ്സുകളും ഉയർന്ന് വരുന്നുണ്ട് .പട്ടികജാതിക്കാരിയായ യുവതി കൊയിലാണ്ടി പോലീസ് സർക്കിൾ ഇൻസ്പെക്ടർക്ക് പരാതി നൽകി രണ്ടാഴ്ച കഴിഞ്ഞിട്ടും കൊയിലാണ്ടി പോലീസ് സിവിക് ചന്ദ്രനെ അറസ്റ്റ് ചെയ്യാത്തതിൽ ദുരൂഹതയുണ്ടെന്ന് ധർണ്ണ ഉദ്ഘാടനം ചെയ്തു കൊണ്ട് സംസ്ഥാന പ്രസിഡണ്ട് രാമദാസ് വേങ്ങേരി പറഞ്ഞു.
ചടങ്ങിൽ സംസ്ഥാന സെക്രട്ടറി മോഹൻ ദാസ് ഉണ്ണിക്കുളം അദ്ധ്യക്ഷത വഹിച്ചു.ടി.വി.ബാലൻ പുല്ലാളൂർ, സുബ്രമണ്യൻ ഐക്കരപ്പടി, റാണി മുക്കം, രാജൻ പി പി, റഫീക്ക് പൂക്കാട്, തങ്കപറമ്പിൽ എന്നിവർ സംസാരിച്ചു.
