മസ്കത്ത്: അല്വുസ്ത ഗവര്ണറേറ്റിലെ ആദം-തുംറൈത്ത് റോഡില് ഹൈമക്ക് സമീപം വീണ്ടും അപകടം.
ആറുപേര്ക്ക് പരിക്കേറ്റു. പരിക്കേറ്റവരെ ഹൈമ ഹോസ്പിറ്റലിലെ അത്യാഹിത വിഭാഗത്തില് പ്രവേശിപ്പിച്ചതായി അല് വുസ്ത ഗവര്ണറേറ്റിലെ ഹെല്ത്ത് സര്വിസസ് ഡയറക്ടറേറ്റ് ജനറല് അറിയിച്ചു. ഇതില് മൂന്നുപേരുടെ പരിക്ക് ഗുരുതരമാണ്. ഞായറാഴ്ച പുലര്ച്ചയായിരുന്നു അപകടം.
അപകടത്തില്പ്പെട്ടവരെ കുറിച്ച് കൂടുതല് വിവരങ്ങള് ലഭ്യമായിട്ടില്ല. ആദം-തുംറൈത്ത് റോഡില് അടുത്തിടെ നിരവധി വാഹനാപകടങ്ങളാണ് നടന്നത്.ഖരീഫ് സീസണ് ആരംഭിച്ചതോടെ നല്ല വാഹന തിരക്കാണ് ഈ പാതയില് അനുഭവപ്പെടുന്നത്. ജൂണ് 26നുണ്ടായ വാഹനാപകടത്തില് ഏഴുപേര്ക്ക് പരിക്കേറ്റിരുന്നു. 19നുണ്ടായ മറ്റൊരു വാഹനാപകടത്തില് കണ്ണൂര് സ്വദേശി മരണപ്പെട്ടിരുന്നു. സംഭവത്തില് അഞ്ചുപേര്ക്ക് പരിക്കേല്ക്കുകയും ചെയ്തിരുന്നു. സലാല സന്ദര്ശനം കഴിഞ്ഞ് മടങ്ങുകയായിരുന്ന സംഘം ഹൈമക്ക് സമീപത്തുവെച്ച് ടയര് പൊട്ടിയാണ് അപകടത്തില്പ്പെട്ടത്. ദിവസങ്ങള്ക്ക് മുമ്ബ് ട്രക്കും ഇവിടെ അപകടത്തില്പ്പെട്ടിരുന്നു.
ഖരീഫ് കാലത്തെ വാഹനാപകടങ്ങള് കുറക്കാന് കര്ശന നടപടിയാണ് ആര്.ഒ.പി കൈകൊണ്ടിട്ടുള്ളത്. ദോഫറിലേക്കുള്ള പാതകളില് നിലവില് പട്രോളിങ് നടത്തുന്നുണ്ട്. നിരവധി സ്ഥലങ്ങളില് ചെക്ക്പോയന്റുകളും സ്ഥാപിച്ചിട്ടുണ്ട്. ഇത്തരം ചെക്ക്പോയന്റുകളിലെത്തി സഞ്ചാരികള്ക്ക് സഹായവും തേടാവുന്നതാണ്. വിവിധ ഇടങ്ങളില് ബോധവത്കരണവും നടത്തുന്നുണ്ട്.