അമിറാത്ത് ക്രിക്കറ്റ് അക്കാദമി ഗ്രൗണ്ടുകളിലായി നടന്ന എം.ടി.സി.എല്‍ ഏകദിന ക്രിക്കറ്റ് ടൂര്‍ണമെന്റില്‍ എ.കെ.സി.ടി ജേതാക്കളായി.ഫൈനലില്‍ റൂവി സ്മാഷേഴ്‌സിനെയാണ് പരാജയപ്പെടുത്തിയത്. ഇത് ആദ്യമായിട്ടാണ് അമിറാത്ത് ക്രിക്കറ്റ് അക്കാദമി ഗ്രൗണ്ടുകളില്‍ ടെന്നിസ് ബാള്‍ ക്രിക്കറ്റ് ടൂര്‍ണമെന്റ് നടത്തുന്നത്.
ഒമാന്‍ ക്രിക്കറ്റ് അസോസിയേഷന്റെ അനുമതിയോടെ സംഘടിപ്പിച്ച ടൂര്‍ണമെന്റില്‍ 32 ടീമുകള്‍ പങ്കെടുത്തു. ഒമാന്‍ ക്രിക്കറ്റ് ടീം ക്യാപ്റ്റന്‍ സീഷാന്‍ മക്സൂദിന്റെയും ഓള്‍റൗണ്ടര്‍ ഖുറാം ഖാന്റെയും സാന്നിധ്യം ശ്രദ്ധേയമായി. കെ.സി. സഹീര്‍, മുഹമ്മദ് റാഫി, അനുരാജ് തുടങ്ങിയവര്‍ നേതൃത്വം നല്‍കി.
