ഇടുക്കി: കുമളിയിൽ സ്കൂള് വിദ്യാര്ഥിനിയെ പീഡിപ്പിച്ച കേസില് ഇരുപതുകാരന് അറസ്റ്റില്. വിദ്യാര്ത്ഥിയെ ലോഡ്ജിലെത്തിച്ച് പീഡിപ്പിച്ച കേസിലാണ് തൃശൂര് മുകുന്ദപുരം സ്വദേശി അലൻ ബാബുവിനെ പൊലീസ് പിടികൂടിയത്.
ബുധനാഴ്ച കുമളിയിലെ ഒരു ലോഡ്ജില് സ്കൂള് യൂണിഫോമില് പെണ്കുട്ടിയെ കണ്ടതോടെ സംശയം തോന്നിയ നാട്ടുകാര് പൊലീസില് വിവരമറിയിക്കുകയായിരുന്നു.
വിവരമറിഞ്ഞെത്തിയ പൊലീസ് പെണ്കുട്ടിയെ സ്റ്റേഷനിലെത്തിച്ചു. തുടര്ന്ന് നടത്തിയ അന്വേഷണത്തിലാണ് പീഡന വിവരം പുറത്തായത്. അലന് ബാബു തന്നെ പ്രണയം നടിച്ച് നിര്ബന്ധിച്ച് ലോഡ്ജിലേക്ക് വിളിച്ചുവരുത്തുകയായിരുന്നുവെന്ന് പെൺകുട്ടി പൊലീസിന് മൊഴി നല്കിയിട്ടുണ്ട്.
