പത്തനംതിട്ട ജില്ലയിലെ സ്ത്രീകളുടെ തിരോധാന കേസുകള് വീണ്ടും അന്വേഷിക്കുന്നു. ജില്ലാ പൊലീസ് മേധാവിയുടെ നേതൃത്വത്തില് പ്രത്യേക സംഘങ്ങളായാണ് അന്വേഷണം. 2017 മുതല് ജില്ലയില് നിന്ന് കാണാതായത് 12 സ്ത്രീകളെയാണ്. ഇതില് മൂന്ന് കേസുകളും ആറന്മുള സ്റ്റേഷന് പരിധിയില് ആണ്. തിരോധാനത്തിന് നരബലിയുമായി ബന്ധമുണ്ടോ എന്നാണ് പ്രധാനമായും അന്വേഷിക്കുന്നത്.
നരബലി കേസിലെ ഒന്നാം പ്രതി ഷാഫിക്ക് പല സ്ത്രീകളുമായി അടുത്ത ബന്ധം ഉണ്ടെന്ന് കണ്ടെത്തിയിരുന്നു. ചിലര്ക്ക് പണം വാഗ്ദാനം ചെയ്ത് പത്തനംതിട്ടക്ക് കൊണ്ടുപോകാന് ഷാഫി ശ്രമിച്ചതിന്റെ തെളിവുകളും പുറത്തുവന്നിരുന്നു. ഈ സാഹചര്യത്തിലാണ് ജില്ലയിലെ തിരോധാന കേസുകളില് വീണ്ടും അന്വേഷിക്കാന് പൊലീസ് തീരുമാനിച്ചത്.