തിരുവനന്തപുരം: സ്റ്റീല്‍ ആന്‍ഡ് മെറ്റല്‍ ഇന്‍ഡസ്ട്രീസ് എംഡിയായി ചുമതലയേറ്റതിനു പിന്നാലെ സര്‍ക്കാരിനെ പരിഹസിച്ച്‌ ജേക്കബ് തോമസ് ഐപിഎസ്. വിജിലന്‍സ് മേധാവിയുടെ തസ്തികയ്ക്ക് തുല്യമായി മെറ്റല്‍ ഇന്‍ഡസ്ട്രീസ് എംഡി സ്ഥാനം ഉയര്‍ത്തിയതിന് സര്‍ക്കാരിന് നന്ദിയുണ്ട്. ഇവിടെ നിന്നും മൂര്‍ച്ഛയുള്ള, 101 വെട്ട് വെട്ടാന്‍ പറ്റുന്ന കത്തികള്‍ ഉണ്ടാക്കുമെന്ന് ജേക്കബ് തോമസ് പറഞ്ഞു.
വ്യാഴാഴ്ച രാവിലെയാണ് ജേക്കബ് തോമസ് മെറ്റല്‍ ഇന്‍ഡസ്ട്രീസ് ലിമിറ്റഡ് എംഡിയായി ചുമതലയേറ്റത്. അവധിയില്‍ പ്രവേശിക്കുമോ എന്ന് ഇപ്പോള്‍ പറയാനാകില്ലെന്നും അദ്ദേഹം വ്യക്തമാക്കി. ദീര്‍ഘനാളായി സസ്പെന്‍ഷനിലായിരുന്ന ജേക്കബ് തോമസിന് വീണ്ടും നിയമനം നല്‍കാന്‍ മന്ത്രിസഭാ യോഗമാണ് തീരുമാനമെടുത്തിരുന്നത്.
