ന്യൂഡല്‍ഹി: കര്‍ണാടക മുന്‍ ഉപമുഖ്യമന്ത്രിയും മുതിര്‍ന്ന കോണ്‍ഗ്രസ് നേതാവുമായ ജി.പരമേശ്വരയുടെ വീട്ടില്‍ ആദായ നികുതി പരിശോധന. അദ്ദേഹത്തിന്‍െറ ഉടമസ്ഥതയിലുള്ള കോളാറിലെ മെഡിക്കല്‍ കോളജിലും ആദായ നികുതി സംഘം പരിശോധന നടത്തി.
പുലര്‍ച്ചെ 6.30ഓടെയാണ് റെയ്ഡ് തുടങ്ങിയത്. മെഡിക്കല്‍-എന്‍ജീനിയറിങ് അഡ്മിഷനിലൂടെ കോടികള്‍ പരമേശ്വര അനധികൃതമായി സമ്ബാദിച്ചുവെന്നാണ് ആദായ നികുതി വകുപ്പ് വ്യക്തമാക്കുന്നത്. പരമേശ്വരയുമായി ബന്ധമുള്ള ഏകദേശം 30 സ്ഥലങ്ങള്‍ ആദായ നികുതി റെയ്ഡ് നടത്തിയെന്നാണ് എ.എന്‍.ഐ റിപ്പോര്‍ട്ട് ചെയ്യുന്നത്. അതേസമയം, രാഷ്ട്രീയപ്രേരിതമായാണ് റെയ്ഡുകള്‍ നടത്തുന്നതെന്ന് കര്‍ണാടക മുന്‍ മുഖ്യമന്ത്രി സിദ്ധരാമയ്യ പറഞ്ഞു.റെയ്ഡുകളെ സ്വാഗതം ചെയ്യുന്നു. എന്നാല്‍, അനധികൃതമായി എന്തെങ്കിലും രേഖകള്‍ കണ്ടെത്തിയിട്ടുണ്ടെങ്കിലും അത് പുറത്ത് വരട്ടെയെന്നും പരമേശ്വര പറഞ്ഞു.
