തിരുവനന്തപുരം: ശബരിമലയില്‍ സ്ത്രീകള്‍ക്ക് പ്രവേശിക്കാന്‍ അനുമതി നല്‍കിയ സുപ്രീകോടതി വിധി അംഗീകരിക്കാന്‍ എല്ലാവരും ബാധ്യസ്ഥരാണെന്ന് പ്രതിപക്ഷ നേതാവ് രമേശ് ചെന്നിത്തല. വിധി പഠിച്ചശേഷം കൂടുതല്‍ പ്രതികരിക്കാമെന്നും അദ്ദേഹം പറഞ്ഞു.
ശബരിമലയില്‍ സ്ത്രീ പ്രവേശനം വിലക്കിയിട്ടില്ല. ആചാരങ്ങളുടെയും അനുഷ്ഠാനങ്ങളുടെയും അടിസ്ഥാനത്തിലാണ് പ്രവേനം വേണ്ടന്ന നിലപാട് യുഡിഎഫ് സര്‍ക്കാര്‍ നേരത്തെ സ്വീകരിച്ചത്. അതേ നിലപാടായിരുന്നു നിലവിലെ ദേവസ്വം ബോര്‍ഡിനും ഉണ്ടായിരുന്നത്. എന്നാല്‍ സുപ്രീംകോടതി വിധിയോടെ ഇതെല്ലാം അപ്രസക്തമായെന്നും ചെന്നിത്തല പറഞ്ഞു.
