ന്യൂഡല്‍ഹി: സി.ബി.എസ്.ഇ പന്ത്രണ്ടാംക്ലാസ് പരീക്ഷ ചോദ്യപേപ്പര്‍ വാട്ട്സ് ആപ്പിലൂടെ ചോര്‍ന്നു. അക്കൗണ്ടന്‍സി പരീക്ഷയുടെ ചോദ്യപേപ്പറാണ് വാട്ട്സ് ആപ്പിലൂടെയും മറ്റ് സോഷ്യല്‍ മീഡയകളിലൂടെയും പുറത്തായത്. ഇന്നു നടക്കാനിരുന്ന പരീക്ഷയുടെ സെറ്റ് രണ്ട് ചോദ്യപേപ്പര്‍ ബുധനാഴ്ച തന്നെ പുറത്തായിരുന്നു. പരീക്ഷ റദ്ദാക്കാനാണ് സാധ്യത.
ഡല്‍ഹിയിലെ റോഹ്നി ഏരിയയില്‍ നിന്നാണ് ചോദ്യപേപ്പറിെന്‍റ കോപ്പി വാട്ട്സ് ആപ്പിലൂടെ പ്രചരിച്ചതെന്നാണ് വിവരം.
ചോദ്യപേപ്പര്‍ ചോര്‍ച്ചയില്‍ വിദ്യാഭ്യാസ സെക്രട്ടറിയോടും വിദ്യാഭ്യാസ ഡയറക്ടറോടും വിശദീകരണം ചോദിച്ചതായി മന്ത്രി മനീഷ് സിസോദിയ പറഞ്ഞു. ഉദ്യോഗസ്ഥര്‍ക്ക് പങ്കുള്ളതായി സംശയമുയര്‍ന്നിട്ടുണ്ട്.
