സിനിമാ- സീരിയല് താരം അപര്ണ നായരെ തിരുവനന്തപുരത്തെ വീട്ടിനുള്ളില് മരിച്ചനിലയില് കണ്ടെത്തി.കരമന തളിയിലെ വീട്ടില് തൂങ്ങിമരിച്ച നിലയില് ആയിരുന്നു. മൃതദേഹം സ്വകാര്യ ആശുപത്രി മോര്ച്ചറിയിലേക്ക് മാറ്റി. അസ്വാഭാവിക മരണത്തിന് പൊലീസ് കേസെടുത്തു.
വ്യാഴാഴ്ച വൈകിട്ട് ഏഴരയോടെയാണ് അപര്ണയെ മരിച്ചനിലയില് കണ്ടത്. ഉടനെ ആശുപത്രിയില് എത്തിച്ചെങ്കിലും നേരത്തെ അന്ത്യം സംഭവിച്ചെന്നാണ് നിഗമനം. സംഭവ സമയത്ത് വീട്ടില് അമ്മയും സഹോദരിയും ഉണ്ടായിരുന്നതായാണ് വിവരം. കരമന പൊലീസ് അന്വേഷണം ആരംഭിച്ചു. അടുത്ത ബന്ധുക്കളില് നിന്ന് മൊഴിയെടുത്തു. ഭര്ത്താവ്: സഞ്ജിത്, മക്കള്: ത്രയ, കൃതിക.
