തിരുവനന്തപുരം: കേരള സാഹിത്യ അക്കാദമിയുടെ 2017ലെ മികച്ച നോവലിനുള്ള പുരസ്കാരം വി.ജെ. ജയിംസിന്‍റെ “നിരീശ്വര’ന്. ചെറുകഥയ്ക്കുള്ള പുരസ്കാരം അയ്മനം ജോണിന്‍റെ “ഇതര ചരാചരങ്ങളുടെ ചരിത്ര പുസ്തക’ ത്തിന് ലഭിച്ചു.
മികച്ച കവിതയായി വീരാന്‍കൂട്ടിയുടെ “മണ്ടാപ്രാണി’യും മികച്ച യാത്രാ വിവരണമായി സി.വി. ബാലകൃഷ്ണന്‍റെ “ഏതേതോ സരണികളി’ലും തെരഞ്ഞെടുക്കപ്പെട്ടു.
ഡോ.കെ.എന്‍. പണിക്കര്‍ക്കും ആറ്റൂര്‍ രവി വര്‍മയ്ക്കും വിശിഷ്ട സേവനത്തിനുള്ള പുരസ്കാരവും ലഭിച്ചു. കല്‍പറ്റ നാരായണനാണ് സാഹിത്യ വിമര്‍ശനത്തിനുള്ള പുരസ്കാരം.
