സോള്‍: ദക്ഷിണ കൊറിയയില്‍ നടക്കുന്ന ശൈത്യ കാല ഒളിമ്ബിക്സില്‍ ഉത്തര കൊറിയന്‍ ഭരണാധികാരി കിം ജോങ് ഉന്നിന്റെ സഹോദരി കിം യോ ജോങ് പങ്കെടുക്കും. ദക്ഷിണ കൊറിയന്‍ ഏകീകരണ മന്ത്രാലയം ഇതു സംബന്ധിച്ച സ്ഥിരീകരണം നടത്തിയിട്ടുണ്ട്.
ഉത്തര കൊറിയന്‍ സെറിമോണിയല്‍ ഹെഡ് കിം യോങ് നാം ഉന്നതതല സംഘത്തിനൊപ്പം ദക്ഷിണ കൊറിയയില്‍ എത്തുന്നുണ്ട്. 1953 ല്‍ കൊറിയന്‍ യുദ്ധത്തിന് ശേഷം ദക്ഷിണ കൊറിയയില്‍ എത്തുന്ന ആദ്യ ഉത്തര കൊറിയന്‍ ഉദ്യോഗസ്ഥനായിരിക്കും കിം.
ഉത്തര കൊറിയയുടെ മുന്‍ നേതാവ് കിം ജോംഗ്-ഇലിന്റെ ഏറ്റവും ഇളയ മകളാണ് കിം യോ ജോങ്. ഉദ്ഘാടന ചടങ്ങിനില്‍ ഇരു കൊറിയയന്‍ രാജ്യങ്ങളും ഒരു പതാകയ്ക്ക് കീഴിലാകും മാര്‍ച്ച്‌ നടത്തുക.
ദക്ഷിണ കൊറിയയില്‍ നടക്കുന്ന ശൈത്യ കാല ഒളിമ്ബിക്സിന്റെ ഭാഗമായി ഇരു രാജ്യങ്ങളും ചര്‍ച്ചകള്‍ നടത്തിയിരുന്നു. വെള്ളിയാഴ്ചയാണ് ഒളിമ്ബിക്സ് ആരംഭിക്കുന്നത്. എന്നാല്‍ ഇപ്പോള്‍ കൊറിയന്‍ രാജ്യങ്ങള്‍ തമ്മിലുള്ളത് താല്‍കാലിക സൗഹൃദം മാത്രമാണെന്നും ഇതിന് നിലനില്‍പില്ലെന്നുമാണ് വിദഗ്ധരുടെ അഭിപ്രായം.
