വീടിന്റെ പ്ലാന് ക്രമപ്പെടുത്താനുള്ള കെ.എം ഷാജിയുടെ അപേക്ഷ തള്ളി. അപേക്ഷയില് പിഴവുണ്ടെന്ന് ചൂണ്ടിക്കാട്ടിയാണ് കോഴിക്കോട് കോര്പ്പറേഷന് നടപടി. പിഴവുകള് നികത്തി വീണ്ടും അപേക്ഷ സമര്പ്പിക്കണമെന്ന് കോര്പ്പറേഷന് ഷാജിയോട് നിര്ദേശിച്ചു. അനധികൃത നിര്മാണം കണ്ടെത്തിയ കോര്പ്പറേഷന് കെ.എം ഷാജിക്ക് നേരത്തെ നോട്ടീസ് നല്കിയിരുന്നു.
കെ.എം ഷാജിയുടെ വീട് ക്രമപ്പെടുത്താനുള്ള അപേക്ഷ പരിഗണിക്കുമെന്ന് കോഴിക്കോട് കോര്പ്പറേഷന് വ്യക്തമാക്കിയിരുന്നു. അനുമതിയില്ലാതെ 2,300 ചതുരശ്ര അടിയില് നിര്മാണം നടത്തിയിട്ടുണ്ടെന്നാണ് കണക്കാക്കുന്നത്.
ഇത് ക്രമപ്പെടുത്താന് 1.38 ലക്ഷം നികുതിയും 15,000 രൂപ പിഴയും അടക്കേണ്ടി വരുമെന്ന സൂചന കോര്പ്പറേഷന് അധികൃതര് നല്കിയിരുന്നു.