കോട്ടയം: വനിതാ മതിലില് പങ്കെടുക്കുന്നതിനെ ചൊല്ലി ബിഡിജെഎസില് ഭിന്നതയില്ലെന്ന് തുഷാര് വെള്ളാപ്പള്ളി. വനിതാ മതിലില് സ്ത്രീയല്ലാത്തത് കൊണ്ട് പങ്കെടുക്കില്ല. പാര്ട്ടി അംഗങ്ങള്ക്ക് വനിതാ മതിലില് പങ്കെടുക്കാം. വനിതാ മതിലില് തന്റെ കുടുംബത്തില് നിന്ന് ആരെങ്കിലും പങ്കെടുക്കുമോ എന്ന് അറിയില്ലെന്നും തുഷാര് കോട്ടയത്ത് പറഞ്ഞു.
വനിതാ മതിലിനായി സര്ക്കാര് സംവിധാനത്തെയാണ് ഉപയോഗിക്കുന്നത്. വനിതാ മതിലിനെ വര്ഗീയ മതില് എന്ന് വിളിക്കാനാവില്ലെന്നും തുഷാര് പറഞ്ഞു.
ബിഡിജെഎസിന്റെ എഴുപത് ശതമാനത്തില് അധികം നേതാക്കളും അയ്യപ്പ ജ്യോതിയില് പങ്കെടുത്തെന്നും തുഷാര് വെള്ളാപ്പള്ളി പറഞ്ഞു. വനിതാ മതില് ശബരിമലയിലെ ആചാരങ്ങള്ക്ക് എതിരാണെന്ന് കരുതുന്നില്ലെന്നും തുഷാര് വെള്ളാപ്പള്ളി പറഞ്ഞു.
