ലണ്ടന്: കോവിഡ് വ്യാപനത്തോതില് കാര്യമായ കുറവ് രേഖപ്പെടുത്താത്ത സാഹചര്യത്തില് ലോകാരോഗ്യ സംഘടന നിര്ദേശിക്കുന്ന സുരക്ഷാ മുന് കരുതലുകള് എല്ലാം നിര്ബന്ധമായും സ്വീകരിക്കണമെന്ന് ലണ്ടന് മേയര് സാദിക്ക് ഖാന്. ലണ്ടനില് മാസ്ക് നിര്ബന്ധമാക്കാത്തതിനെതിരെ അദ്ദേഹം ബ്രിട്ടീഷ് പ്രധാനമന്ത്രി ബോറിസ് ജോണ്സണ് കത്തയച്ചു.
ഇതുവരെ ലണ്ടനിലെ പൊതുസ്ഥലങ്ങളില് മാസ്ക് നിര്ബന്ധമാക്കാത്തതില് താന് ഏറെ അസ്വസ്ഥനാണെന്നും സാദിക്ക് ഖാന് കത്തിലൂടെ അറിയിച്ചു. പൊതുഗതാഗത സംവിധാനങ്ങള് ഉപയോഗിക്കുന്നവര് മാസ്ക് നിര്ബന്ധമായും ധരിക്കണമെന്ന് ജൂണ് 15ന് ബോറിസ് ഭരണകൂടം നേരത്തെ ഉത്തരവിട്ടിരുന്നു. ജിമ്മുകളും ഭക്ഷണശാലകളും പബ്ബുകളുമെല്ലാം തുറന്ന സാഹചര്യത്തില്, പൊതുജനാരോഗ്യത്തെ മുന്നിര്ത്തിയാണ് താനിത് പറയുന്നതെന്നും സാദിക്ക് ഖാന് കൂട്ടിച്ചേര്ത്തു.














