ഇടപ്പള്ളി ലുലുമാളില് ഉപേക്ഷിക്കപ്പെട്ട നിലയില് കൈത്തോക്കും തിരകളും കണ്ടെത്തിയ സംഭവത്തില് പൊലീസ് അന്വേഷണം തുടരുന്നു. തോക്കും തിരകളും മാളില് ഉപേക്ഷിക്കുന്നത് മാളിലെ സി.സി.ടി.വി ദൃശ്യത്തില് പതിഞ്ഞതില് ലഭിച്ച ആളെ കേന്ദ്രീകരിച്ചാണ് അന്വേഷണം.
വയോധികനായ ഒരാളാണെന്നാണ് ദൃശ്യത്തില് കാണുന്നത്. ആലുവ സ്വദേശിയായ ഇയാളെ രണ്ടുതവണ സ്റ്റേഷനില് വിളിച്ചുവരുത്തി ചോദ്യം ചെയ്തതായാണ് പൊലീസ് പറഞ്ഞത്. വ്യക്തമായ ഉത്തരം ലഭിക്കാത്തതിനാല് വീണ്ടും വിളിപ്പിക്കുമെന്നും പൊലീസ് പറഞ്ഞു.
ശനിയാഴ്ച ഉച്ചക്ക് 12ഓടെയാണ് മാളിെന്റ മുന്നിലെ ട്രോളി പാര്ക്കിങ് ഏരിയയില്നിന്ന് തോക്കും തിരകളും ഉപേക്ഷിക്കപ്പെട്ടനിലയില് കണ്ടെത്തിയത്. സഞ്ചിയില് സൂക്ഷിച്ച തോക്ക് സുരക്ഷാ ജീവനക്കാരാണ് കണ്ടെടുത്തത്.
തോക്കും തിരകളും കൊണ്ടുവന്നയാള് പോയ കാറിെന്റ ദൃശ്യങ്ങളും ലഭിച്ചിരുന്നു. തോക്കിനൊപ്പം സംസ്ഥാനത്തെ ചില സമുദായ രാഷ്ട്രീയ നേതാക്കളുടെ പേരുകളടങ്ങിയ കത്തും കൂട്ടത്തിലുണ്ടായിരുന്നു.