ലിവര്പൂളിന്റെ ഗോള്കീപ്പര് ഡാനി വാര്ഡ് ഇനി ഇംഗ്ലീഷ് പ്രീമിയര് ലീഗില് ലെസ്റ്റര് സിറ്റിക്കായി കളിക്കും. താരവുമായി നാലു വര്ഷത്തെ കരാര് ഒപ്പിട്ടതായി ക്ലബ്ബുകള് സ്ഥിരീകരിച്ചു.
വാര്ഡിനെ വാങ്ങാന് ലെസ്റ്റര് മുടക്കിയ തുക ഒൗദ്യോഗികമായി വെളിപ്പെടുത്തിയിട്ടില്ല. അതേസമയം, 16.41 ദശലക്ഷം ഡോളര് മുടക്കിയാണ് വാര്ഡിനെ ലെസ്റ്റര് വാങ്ങിയതെന്ന് ഇംഗ്ലീഷ് മാധ്യമങ്ങള് റിപ്പോര്ട്ട് ചെയ്തു. 2012-ല് റെക്സ്ഹാമില്നിന്നാണ് വാര്ഡ് ലിവര്പൂളിലെത്തുന്നത്. എന്നാല് ഇതിനുശേഷം വളരെ കുറച്ചു കളികളില് മാത്രമാണ് വാര്ഡിന് ലിവര്പൂളിന്റെ ആദ്യ ഇലവനില് ഇടംപിടിക്കാന് കഴിഞ്ഞത്.
ഓഗസ്റ്റ് പത്തിന് മാഞ്ചസ്റ്റര് സിറ്റിയുമായാണ് ലെസ്റ്ററിന്റെ അടുത്ത പ്രീമിയര് ലീഗ് സീസണിലെ ആദ്യ മത്സരം.