തിരുവനന്തപുരം: രണ്ടാം പിണറായി മന്ത്രിസഭയ്ക്ക് ആശംസ അറിയിച്ച് രമേശ് ചെന്നിത്തല. മുഖ്യമന്ത്രി പിണറായി വിജയനെ ഫോണിൽ വിളിച്ചാണ് ചെന്നിത്തല അഭിനന്ദനങ്ങൾ അറിയിച്ചത്.
ഇന്നു വൈകുന്നേരം മൂന്നരയ്ക്കാണ് ഗവര്ണര് ആരിഫ് മുഹമ്മദ് ഖാന്റെ മുന്പാകെ പിണറായി സർക്കാരിന്റെ സത്യപ്രതിജ്ഞ. തിരുവനന്തപുരം സെന്ട്രൽ സ്റ്റേഡിയത്തിൽ ഒരുക്കിയ പന്തലിലാണ് ചടങ്ങ് നടക്കുന്നത്.