ബന്ദിപ്പൂര് വഴിയുള്ള രാത്രിയാത്രാ നിരോധനം നീക്കുന്നതിന് പിന്തുണ തേടി കേന്ദ്ര സര്ക്കാര് കര്ണാടകത്തിന് കത്ത് നല്കി. കര്ണാടക ചീഫ് സെക്രട്ടറിക്ക് കേന്ദ്ര ഉപരിതല ഗതാഗത വകുപ്പ് സെക്രട്ടറി വൈ.എസ്.മാലിക്കാണ് കത്ത് നല്കിയത്. അടിയന്തിരമായി ഇക്കാര്യത്തില് നിലപാട് അറിയിക്കാന് ജൂലായ് 21 ന് അയച്ച കത്തില് കര്ണാടകത്തോട് ആവശ്യപ്പെട്ടിട്ടുണ്ട്. കുറച്ച് നാളുകളായി ഇതേ ആവശ്യം കേരളം ആവര്ത്തിച്ച് വരികയാണ്.കേന്ദ്ര ഉപരിതല വകുപ്പുമായി നേരത്തെ നടത്തിയ ചര്ച്ചയില് രാത്രിയാത്രാ നിരോധനം നീക്കുന്നതില് എതിര്പ്പില്ലെന്ന് കര്ണാടക പൊതുമരാമത്ത് വകുപ്പ് മന്ത്രി അറിയിച്ചിരുന്നു. ഈ സാഹചര്യത്തിലാണ് ചീഫ് സെക്രട്ടറിക്ക് പുതിയ കത്ത് നല്കിയിരിക്കുന്നത്.
