പുതിയ ഫീച്ചറുമായി വീണ്ടും യൂട്യൂബ്. മണിക്കൂറുകള്‍ നീണ്ട വിഡിയോ കണ്ടു മടുക്കുമ്ബോള്‍ ഉപയോക്താള്‍ക്ക് ഇനി യൂട്യൂബില്‍ നിന്നും ചെറിയ ഇടവേളകള്‍ എടുക്കാം.
യൂട്യൂബ് ആന്‍ഡ്രോയിഡ് ആപ്പിന്റെ 13.17.55 പതിപ്പിലാണ് ‘ടേക് എ ബ്രേക്’ എന്ന പുതിയ ഫീച്ചറുള്ളത്. ഉപയോക്താക്കള്‍ക്ക് ഇഷ്ടാനുസരണം 15, 30, 60, 90, 180 മിനിറ്റുകള്‍ ഇടവേള ക്രമീകരിക്കാന്‍ കഴിയും. അതിനായി മുകളില്‍ വലതുമൂലയിലെ യൂസര്‍ ഫോട്ടോയില്‍നിന്ന് സെറ്റിങ്സ്>ജനറല്‍> റിമൈന്‍ഡ് മീ ടു ടേക്ക് എ ബ്രേക് ഒാപ്ഷന്‍ എടുത്താല്‍ മതിയാകും.
ഒരിക്കല്‍ സമയം ക്രമീകരിച്ചാല്‍ വിഡിയോ കണ്ട് നിശ്ചിത സമയമെത്തുമ്ബോള്‍ താല്‍ക്കാലികമായി നിര്‍ത്തും. കുറച്ചുസമയം കഴിഞ്ഞ് കാഴ്ച തുടരാനാണ് താല്‍പര്യമെങ്കിലും അതിനും, നിര്‍ത്തി പോകാനാണെങ്കില്‍ അതിനും പുതിയ ഫീച്ചറിലൂടെ സാധിക്കും.
