യുഎഇയിൽ രണ്ടിടത്ത് ഭീകരാക്രമണം. അബുദാബി വിമാനത്താവളത്തിന് സമീപം നിർമാണ മേഖലയിലും മുസഫയിൽ മൂന്ന് എണ്ണ ടാങ്കുകളിലുമാണ് സ്ഫോടനമുണ്ടായത്. ആളപായമുണ്ടായിട്ടില്ലെന്നാണ് പ്രാഥമിക വിവരം.
ആക്രമണത്തിന്‍റെ ഉത്തരവാദിത്വം യെമനിലെ ഹൂതി വിമതർ ഏറ്റെടുത്തിട്ടുണ്ട്. ഡ്രോണ് ആക്രമണമാണ് നടന്നതെന്നാണ് അബുദാബി പോലീസ് സംശയിക്കുന്നത്. ഇക്കാര്യത്തിൽ സ്ഥിരീകരണമുണ്ടായിട്ടില്ല.
സ്ഫോടനമുണ്ടായ രണ്ടു സ്ഥലങ്ങളിലേക്കും ചെറിയ വസ്തുക്കൾ പറന്നുവന്നതായി വിവരമുണ്ട്. സംഭവത്തെക്കുറിച്ച് പോലീസ് അന്വേഷണം ആരംഭിച്ചിട്ടുണ്ട്.
