നവമാധ്യമങ്ങൾ വഴി മതസ്പർധ വളർത്തുന്ന പോസ്റ്റുകൾ പ്രചരിപ്പിക്കുന്നവരെ ഉടൻ അറസ്റ്റു ചെയ്യാൻ ഡിജിപിയുടെ നിർദേശം. ജില്ലാ പോലീസ് മേധാവിമാർക്കാണ് ഡിജിപി നിർദ്ദേശം നൽകിയത്.
കഴിഞ്ഞ ഒരു മാസത്തിനിടെ 144 കേസുകൾ രജിസ്റ്റർ ചെയ്തതിരുന്നുവെങ്കിലും 41 പ്രതികളെ മാത്രമാണ് പിടികൂടിയത്. മറ്റുള്ളവരെ ഉടൻ പിടികൂടണമെന്ന് ഡിജിപി നിർദേശം നൽകിയിട്ടുണ്ട്. ആലപ്പുഴയിൽ ആർഎസ്എസ്- എസ്ഡിപിഐ നേതാക്കളുടെ കൊലപാതകത്തെ തുടർന്നാണ് മതസ്പർധ വളർത്തുന്ന പോസ്റ്റുകള് നവമാധ്യമങ്ങളിൽ വ്യാപകമായി പ്രചരിച്ചു തുടങ്ങിയത്.
ഇത്തരം പോസ്റ്റുകൾക്കെതിരെ പോലീസ് മുന്നറിയിപ്പ് നൽകിയിരുന്നു. തുടർന്നും ഇത്തരം പോസ്റ്റുകൾ പ്രചരിക്കുന്നതിലാണ് അറസ്റ്റ് കർശനമാക്കാൻ ഡിജിപിയുടെ നിർദേശം. സൈബർ പട്രോളിംഗിങ്ങും പൊലീസ് തുടങ്ങിയിട്ടുണ്ട്.