മേജര് രവിയെപ്പോലെ വര്ഗീയ വിഷം വമിച്ച പ്രസ്താവനകള് നടത്തിയ ഒരാള് കോണ്ഗ്രസ് വേദിയിലേക്ക് സ്വീകരിക്കപ്പെടുന്നുവെന്നത് തന്നെ കുഴപ്പമാണെന്ന് കോണ്ഗ്രസ് അനുഭാവിയും രാജീവ് ഗാന്ധി സ്റ്റഡി സര്ക്കിള് സ്റ്റേറ്റ് ഇന്ചാര്ജുമായ വി.ആര് അനൂപ്. അയാൾ അയാളുടെ പഴയ പ്രസ്താവനകൾ തള്ളിപ്പറഞ്ഞിട്ടില്ല. നിലപാടിൽ മാറ്റം വരുത്തിയിട്ടില്ലെന്നും അനൂപിന്റെ കുറിപ്പില് പറയുന്നു.
ബി.ജെ.പി അനുഭാവി കൂടിയായ സംവിധായകന് മേജര് രവി കഴിഞ്ഞ ദിവസം രമേശ് ചെന്നിത്തലയുടെ ഐശ്വര്യ കേരളയാത്രയില് പങ്കെടുത്തിരുന്നു. തൃപ്പൂണിത്തുറയില് വച്ച് കോണ്ഗ്രസ് നേതാക്കള്ക്കൊപ്പം വേദി പങ്കിടുകയും ചെയ്തിരുന്നു.