വ്യാഴാഴ്ച മെക്സിക്കോയിലുണ്ടായ വന്‍ ഭൂചലനത്തില്‍ മരണസംഖ്യ 61 ആയി ഉയര്‍ന്നു. വൈദ്യുതിബന്ധം ഇല്ലാതായതോടെ ആശുപത്രികളുടെ പ്രവര്‍ത്തനം താളംതെറ്റിയിട്ടുണ്ട്. സ്കൂള്‍, വീട്, ആശുപത്രി എന്നിവക്ക് കേടുപാട് സംഭവിച്ചു.
റിക്ടര്‍ സ്കെയിലില്‍ 8.1 രേഖപ്പെടുത്തിയ ഭൂചലനം നൂറ്റാണ്ടിലെ ഏറ്റവും വലിയ ഭൂകമ്പമാണെന്ന് യു.എസ് ജിയളോജിക്കല്‍ സര്‍വേ റിപ്പോര്‍ട്ട് ചെയ്തു. ദുരന്ത ബാധിതരെ സഹായിക്കാന്‍ സൈന്യം രംഗത്തിറങ്ങിയിട്ടുണ്ട്.
വിച്ഛേദിക്കപ്പെട്ട പത്തു ലക്ഷം വീടുകളില്‍ വൈദ്യുതിബന്ധം പുനഃസ്ഥാപിച്ചു. സിലന ക്രൂസില്‍ സൂനാമി ഭീഷണി നിലനില്‍ക്കുന്നതായും മുന്നറിയിപ്പുണ്ട്. മെക്സികോ സിറ്റിയടക്കം പത്ത് സംസ്ഥാനത്തെ സ്കൂളുകള്‍ക്ക് അവധി പ്രഖ്യാപിച്ചു.
