മലപ്പുറത്ത്വീണ്ടും കുഴൽപ്പണവേട്ട. ഒന്നരക്കോടിയോളം രൂപ പിടികൂടി. ഒരാഴ്ചകൊണ്ട് നാലരക്കോടി രൂപയാണ് ജില്ലയിൽ പിടികൂടിയത്. ജില്ലാ പൊലീസ് മേധാവിയ്ക്ക് ലഭിച്ച രഹസ്യ വിവരത്തിന്റെ അടിസ്ഥാനത്തിൽ നടത്തിയ പരിശോധനയിലാണ് അനധികൃതമായി കടത്താൻ ശ്രമിച്ച പണം പിടികൂടിയത്.
കാറിന്റെ രഹസ്യ അറയിൽ ഒളിപ്പിച്ച നിലയിലായിരുന്നു പണം . സംഭവത്തിൽ എറണാകുളം തോപ്പുംപടി സ്വദേശികളായ അനിൽ, രാജാറാം എന്നിവർ അറസ്റ്റിലായി. മലപ്പുറം എസ് എച്ച് ഒ ജോബി തോമസിന്റെ നേതൃത്വത്തിലായിരുന്നു പരിശോധന.ഒരാഴ്ചക്കിടെ ജില്ലയിലെ വിവിധ ഭാഗങ്ങളിൽ നിന്നായി നാലരക്കോടിയോളം രൂപയുടെ കള്ളപ്പണമാണ് പൊലീസ് പിടികൂടിയത്. വരും ദിവസങ്ങളിൽ പരിശോധന കൂടുതൽ കാര്യക്ഷമമാക്കുമെന്ന് പൊലീസ് അറിയിച്ചു.
FLASHNEWS