മകളുടെ വിവാഹത്തില് പങ്കെടുക്കുന്നതിന് പരോളിന് അപേക്ഷിച്ച് രാജീവ് ഗാന്ധി വധക്കേസ് പ്രതി നളിനി. പരോള് ആവശ്യപ്പെട്ട് നളിനി മദ്രാസ് ഹൈക്കോടതിയില് ഹര്ജി നല്കി. മുത്തശനും മുത്തശിക്കുമൊപ്പം ലണ്ടനിലാണ് നളിനിയുടെ മകള് താമസിക്കുന്നത്. വെല്ലൂര് സെന്ട്രല് ജയിലിലെ ജീവപര്യന്തം തടവുകാരിയാണ് നളിനി.
ആറ് മാസത്തെ പരോള് അനുവദിക്കണമെന്ന് ആവശ്യപ്പെട്ടാണ് നളിനി ഹര്ജി നല്കിയിരിക്കുന്നത്. കഴിഞ്ഞ 26 വര്ഷത്തിനിടെ 12 മണിക്കൂര് മാത്രമാണ് നളിനിക്ക് പരോള് ലഭിച്ചിട്ടുള്ളത്. അത് കഴിഞ്ഞ വര്ഷം പിതാവിന്റെ സംസ്കാര ചടങ്ങില് പങ്കെടുക്കുന്നതിന് വേണ്ടിയായിരുന്നു
.
നളിനിയുടെ ഹര്ജി തിങ്കളാഴ്ച പരിഗണിക്കും. 1991ലാണ് നളിനി ഉള്പ്പെടുന്ന എല്ടിടി സംഘം മുന് പ്രധാനമന്ത്രി രാജീവ് ഗാന്ധിയെ വധിച്ചത്. തുടര്ന്ന് നളിനി ഉള്പ്പെടെ അഞ്ച് പേര്ക്ക് വധശിക്ഷ വിധിച്ചു. പിന്നീട് നളിനിയുടെ ശിക്ഷ ജീവപര്യന്തമായി കുറച്ചു.
