രാജ്യത്തെ ബിജെപിയില്‍ നിന്നും രക്ഷിക്കാന്‍ പ്രതിപക്ഷ പാര്‍ട്ടികളുമായി ചേര്‍ന്ന് പ്രവര്‍ത്തിക്കാന്‍ തയ്യാറാണെന്ന് പശ്ചിമ ബംഗാള്‍ മുഖ്യമന്ത്രി മമത ബാനര്‍ജി. ബദ്ധശത്രുവായ സിപി എമ്മുമായി ചേര്‍ന്ന് പ്രവര്‍ത്തിക്കാന്‍ പോലും തയ്യാറാണെന്നും അവര്‍ പറഞ്ഞു.
സിപിഎമ്മുമായി ആശയപരമായ വിത്യാസമുണ്ട്. എന്നാല്‍ സിപിഎം, കോണ്‍ഗ്രസ്, സമാജ് വാദി പാര്‍ട്ടി, ബഹുജന്‍ സമാജ് വാദി പാര്‍ട്ടി തുടങ്ങിയ പാര്‍ട്ടികളുമായി ചേര്‍ന്ന് പ്രവര്‍ത്തിക്കാന്‍ തയ്യാറാണെന്നും മമത പറഞ്ഞു.
ഈ കറുത്ത രാഷ്ട്രീയ തീരുമാനം പിന്‍ വലിക്കണം. ജനങ്ങള്‍ പ്രയാസത്തിലാണ്. ഇന്ത്യയിലെ മാര്‍ക്കറ്റുകള്‍ നശിക്കുന്നു മമത പറഞ്ഞു.
ഇതെല്ലാം സാധാരണക്കാരാണ്. യഥാര്‍ത്ഥ കുറ്റവാളികളെയാണ് സര്‍ക്കാര്‍ പിടിക്കേണ്ടത്. ഇന്ന് രാവിലെ മുതല്‍ ഞാന്‍ നിരവധി ബാങ്കുകളും എടിഎമ്മുകളും സന്ദര്‍ശിച്ചു. കള്ളപ്പണമില്ലാത്തവരാണ് ക്യൂവില്‍ നില്‍ക്കുന്നതെന്നും മമത പറഞ്ഞു.
