മനില: തെക്കന്‍ ഫിലിപ്പീന്‍സില്‍ സൈന്യത്തെ ലക്ഷ്യമിട്ടു നടത്തിയ ഭീകരാക്രമണത്തില്‍ അഞ്ചു പേര്‍ കൊല്ലപ്പെട്ടു. ഒമ്ബത് പേര്‍ക്കു പരിക്കേറ്റു. അബു സയ്യാഫ് ഭീകരരാണ് സ്ഫോടനത്തിനു പിന്നില്‍ പ്രവര്‍ത്തിച്ചതെന്ന് സൈന്യം അറിയിച്ചു.സുലു പ്രവിശ്യയിലെ ഇന്‍ഡനാന്‍ പട്ടണത്തിലുള്ള സൈനിക ക്യാമ്ബിലെ ചെക്ക്പോസ്റ്റിന് നേരെയായിരുന്നു ആക്രമണം. മൂന്നു സൈനികരും രണ്ടു സിവിലിയന്മാരുമാണു കൊല്ലപ്പെട്ടത്. സ്ഫോടനങ്ങളും തട്ടിക്കൊണ്ടുപോകലും കൊള്ളയും നടത്തുന്ന അബു സയ്യാഫിനെതിരേ സൈനിക നീക്കം ശക്തമാക്കിയതിനുള്ള പ്രതികാരമാണിതെന്ന് സൈനിക വക്താവ് വ്യക്തമാക്കി.
