ജനുവരി ഒന്നിനു സംസ്ഥാനത്തു പ്രാബല്യത്തില് വരുന്ന പ്ലാസ്റ്റിക് നിരോധത്തിന്റെ സമയ പരിധി പുനഃപരിശോധിക്കണമെന്നു പ്ലാസ്റ്റിക് മാനുഫാക്ചേഴ്സ് അസോസിയേഷന്. ഘട്ടംഘട്ടമായി നിയമം നടപ്പാക്കണമെന്നും പെട്ടെന്നുള്ള നിരോധനം ഈ മേഖലയിലെ വ്യാപാരി വ്യവസായികളെ സാരമായി ബാധിക്കുമെന്നും അസോസിയേഷന് ചൂണ്ടിക്കാട്ടി.
നിരോധനം പെട്ടെന്നു നടപ്പാക്കിയാല് സ്റ്റോക്കുള്ള സാധനങ്ങള് ഉപയോഗിക്കാന് സാധിക്കാതെ വരും. സാന്പത്തിക മാന്ദ്യം, നോട്ട് നിരോധനം, ജിഎസ്ടി നടപ്പാക്കല്, രണ്ടുതവണ തുടര്ച്ചയായുണ്ടായ പ്രളയം തുടങ്ങി വിവിധ കാരണങ്ങളാല് ചെറുകിട വ്യവസായ മേഖല കടുത്ത പ്രതിസന്ധിയിലൂടെ കടന്നുപോകുന്ന സാഹചര്യത്തില് ഇതു വലിയ തിരിച്ചടിയാകും. പ്ലാസ്റ്റിക് ഉത്പാദകര്ക്ക് ആയിരം കോടി രൂപയുടെ നഷ്ടമാണ് ഉണ്ടാവുക-അസോസിയേഷന് ചൂണ്ടിക്കാട്ടി.
