ഉത്തരേന്ത്യയില് പ്രളയക്കെടുതിയില് മരിച്ചവരുടെ എണ്ണം 400 കവിഞ്ഞു. തിങ്കളാഴ്ച മാത്രം ബിഹാറില് 37 പേര്ക്ക് ജീവഹാനി നേരിട്ടു. ഇതോടെ ബിഹാറിലെ മരണസംഖ്യ 341 ആയി. ഉത്തര്പ്രദേശില് 82 പേര്ക്കാണ് പ്രളത്തെ തുടര്ന്ന് ജീവന് നഷ്ടമായത്.
ബിഹാറില് 18 ജില്ലകളിലായി 1.46 കോടി ജനങ്ങളെയാണ് പ്രളയക്കെടുതി ബാധിച്ചിരിക്കുന്നതെന്നു ദേശീയ ദുരന്തനിവാരണസേന അറിയിച്ചു. ദുരന്ത നിവാരണ സേനയെ കൂടാതെ പട്ടാളവും രക്ഷാപ്രവര്ത്തനം നടത്തുന്നുണ്ട്. ട്രാക്കില് വെള്ളം കയറിയതിനെ തുടര്ന്ന് നിരവധി ട്രെയിന് സര്വീസുകള് റദ്ദു ചെയ്തു.
വടക്കന് ജില്ലകളെയാണു പ്രളയം സാരമായി ബാധിച്ചത്. നേപ്പാള് അതിര്ത്തിയോടു ചേര്ന്ന് 125 ഗ്രാമങ്ങള് ഭാഗികമായും 39 ഗ്രാമങ്ങള് പൂര്ണമായും വെള്ളത്തിനടിയിലായി. ആസാം, പശ്ചിമ ബംഗാള് സംസ്ഥാനങ്ങളെയും പ്രളയം പ്രതികൂലമായി ബാധിച്ചിട്ടുണ്ട്.
ബിഹാറില് 7.34 ലക്ഷം പേരെ സൈന്യം സുരക്ഷിത സ്ഥാനങ്ങളിലേക്കു മാറ്റി. 3.27 ലക്ഷം ആളുകള് സര്ക്കാര് ഒരുക്കിയിരിക്കുന്ന ദുരിതാശ്വാസ ക്യാന്പുകളില് കഴിയുന്നുണ്ട്.