ന്യൂഡല്ഹി: മുന് രാഷ്ട്രപതി പ്രണാബ് മുഖര്ജിയുടെ ആരോഗ്യനിലയില് മാറ്റമില്ലെന്നും ഗുരുതരാവസ്ഥയില് തന്നെ തുടരുകയാണെന്നു ഡല്ഹി ആര്മി റിസര്ച്ച് ആന്ഡ് റഫറല് ആശുപത്രി അധികൃതര്. വെന്റിലേറ്ററിന്റെ സഹായത്താലാണ് അദ്ദേഹത്തിന്റെ ജീവന് നിലനിര്ത്തുന്നത്.
84 കാരനായ പ്രണാബ് മുഖര്ജി ഡല്ഹിയിലെ രാജാജി മാര്ഗിലുള്ള വീട്ടില് വീണിരുന്നു. മസ്തിഷകത്തില് രക്തം കട്ടപിടിച്ചതിനെ തുടര്ന്ന് കഴിഞ്ഞ തിങ്കളാഴ്ചയാണ് അദ്ദേഹത്തെ അടിയന്തര ശസ്ത്രക്രിയയ്ക്ക് വിധേയനാക്കിയത്. അദ്ദേഹത്തിന് കോവിഡും സ്ഥിരീകരിച്ചിരുന്നു.
പ്രണബ് മുഖര്ജിയുടെ ആരോഗ്യനിലയില് പുരോഗതിയുണ്ടെന്ന് അദ്ദേഹത്തെ കഴിഞ്ഞ ദിവസം സന്ദര്ശിച്ച മകന് അഭിജിത്ത് പറഞ്ഞിരുന്നു. ചികിത്സയോട് അദ്ദേഹത്തിന്റെ ശരീരം പ്രതികരിക്കുന്നുണ്ടെന്നും അഭിജിത്ത് വ്യക്തമാക്കി.