കേരള പബ്ലിക് സര്വീസ് കമ്മീഷന്റെ നിയമന ശിപാര്ശ പൂര്ണമായും ഡിജിറ്റല് സംവിധാനത്തിലേക്ക്. നിയമന ശിപാര്ശ ചെയ്യപ്പെട്ട ഉദ്യോഗാര്ഥികള്ക്ക് കാലതാമസമില്ലാതെ അഡൈ്വസ് മെമ്മോ ലഭിക്കുന്നു എന്ന് ഉറപ്പ് വരുത്തുന്നതിനും അഡൈ്വസ് മെമ്മോ കൂടുതല് സുരക്ഷിതമാക്കുന്നതിനുമായിട്ടാണ് ഈ സംവിധാനം. ഡിജിറ്റല് സംവിധാനത്തിലേക്ക് മാറുന്നതോടെ തപാല് മാര്ഗം അയക്കുന്ന രീതി നിര്ത്തലാക്കും.
ഇന്നലെ ചേര്ന്ന യോഗത്തിലാണ് ഡിജിറ്റല് സംവിധാനത്തിലേക്ക് മാറ്റാനുള്ള തീരുമാനമായത്. ജൂലൈ ഒന്നുമുതല് എല്ലാ നിയമന ശിപാര്ശകളും ഉദ്യോഗാര്ഥികളുടെ പ്രൊഫൈലില് ലഭ്യമാക്കും. ക്യൂആര് കോഡ് ഉള്പ്പെടുത്തി സുരക്ഷിതമായ നിയമന ശിപാര്ശകളാണ് പ്രൊഫൈലില് ലഭിക്കുക.
