കോണ്‍ഗ്രസ് നേതൃത്വം ആവശ്യപ്പെടുകയാണെങ്കില്‍ മല്‍സര രംഗത്ത് നിന്ന് മാറി നില്‍ക്കാന്‍ തയ്യാറാണെന്ന് പി.ജെ കുര്യന്‍. പാര്‍ട്ടിയാണ് തനിക്ക് ഇതുവരെ പദവികള്‍ നല്‍കിയത്. പാര്‍ട്ടിയില്‍ വ്യത്യസ്തമായ അഭിപ്രായങ്ങള്‍ ഉണ്ടാവണം. യുവാക്കളുടെ അഭിപ്രായം സ്വാഗതം ചെയ്യുന്നതായും കുര്യന്‍ പറഞ്ഞു.
പി.ജെ കുര്യന്‍ രാജ്യസഭയിലേക്ക് വീണ്ടും മല്‍സരിക്കുന്നതിനെതിരെ കോണ്‍ഗ്രസിലെ യുവ എം.എല്‍.എമാര്‍ രംഗത്തെത്തിയിരുന്നു. വി.ടി ബല്‍റാം, ഷാഫി പറമ്ബില്‍, ഹെബി ഇൗഡന്‍, അനില്‍ അക്കര തുടങ്ങിയവരാണ് വിമര്‍ശനമുന്നയിച്ചത്.
അതേ സമയം, രാജ്യസഭ സീറ്റ് വിവാദമാക്കേണ്ട കാര്യമില്ലെന്ന് കെ.മുരളീധരന്‍ എം.എല്‍.എ വ്യക്തമാക്കി. കാര്യങ്ങള്‍ പറയാന്‍ കഴിവുള്ളവരെ രാജ്യസഭയിലേക്ക് അയക്കണം. പ്രായമല്ല കഴിവാണ് പ്രധാനമെന്നും മുരളീധരന്‍ പറഞ്ഞു.
