സഞ്ചയ് ലീല ബന്സാലി ചിത്രം പദ്മാവതിന് നാലു സംസ്ഥാനങ്ങള് ഏര്പ്പെടുത്തിയ വിലക്ക് സുപ്രിംകോടതി റദ്ദാക്കി. രാജസ്ഥാന്, ഗുജറാത്ത്, ഹരിയാന, മധ്യപ്രദേശ് എന്നീ സംസ്ഥാനങ്ങള് ഏര്പ്പെടുത്തിയ വിലക്കാണ് സുപ്രിംകോടതി റദ്ദാക്കിയത്. ക്രമസമാധാനം തകര്ക്കുമെന്ന സംസ്ഥാനങ്ങളുടെ വാദം കോടതി തള്ളുകയായിരുന്നു.
സിനിമയുടെ നിര്മാതാക്കളായ വിയകോം സമര്പ്പിച്ച ഹരജി ചീഫ് ജസ്റ്റിസ് ദീപക്മിശ്ര, ജസ്റ്റിസുമാരായ എ.എം ഖാന്വില്കര്, ഡി.വൈ ചന്ദ്ര ചൂഡ് എന്നിവരടങ്ങിയ ബെഞ്ചാണ് പരിഗണിച്ചത്.
സിനിമയുടെ പേരും വിവാദരംഗങ്ങളും മാറ്റണം എന്നതടക്കം സെന്സര് ബോര്ഡിന്റെ നിര്ദേശങ്ങള് പാലിച്ചിട്ടും റിലീസ് തടയുന്നുവെന്ന് ചൂണ്ടിക്കാട്ടിയാണ് നിര്മാതാക്കള് കോടതിയെ സമീപിച്ചത്.
ഈ മാസം 25ന് രാജ്യവ്യാപകമായി റിലീസിനൊരുങ്ങുകയാണ് ചിത്രം.
ക്രമസമാധാന പ്രശ്നങ്ങള് ചൂണ്ടിക്കാട്ടിയായിരുന്നു ഹരിയാന, ഗുജറാത്ത്, മധ്യപ്രദേശ്, രാജസ്ഥാന് എന്നീ സംസ്ഥാനങ്ങള് പത്മാവത് പ്രദര്ശിപ്പിക്കില്ലെന്ന് പ്രഖ്യാപിച്ചത്.
