മോഹന്ലാലും സംവിധായകന് വിനയനും ഒന്നിക്കുന്ന ചിത്രത്തിനായുളള കാത്തിരിപ്പിലാണ് ആരാധകര്. ഇപ്പോഴിതാ ആ ചിത്രം എപ്പോള് യാഥാര്ത്ഥ്യമാകുമെന്ന സൂചന നല്കിയിരിക്കുകയാണ് സംവിധായകന്. ഒരു മാധ്യമവുമായുളള അഭിമുഖത്തിലാണ് അദ്ദേഹം ഇക്കാര്യം പറഞ്ഞത്.
കുഞ്ഞാലി മരക്കാര് ഷൂട്ടിങ്ങ് നടന്നുകൊണ്ടിരിക്കുന്ന സമയത്താണ് മോഹന്ലാല് ചിത്രത്തിന്റെ ചര്ച്ച വരുന്നതെന്നും. വീണ്ടും ഒരു ചരിത്ര സിനിമ മോഹന്ലാല് ഉടനെ ചെയ്യേണ്ടല്ലോ എന്ന് കരുതിയാണ് പത്തൊമ്ബതാം നൂറ്റാണ്ടിന്റെ തിരക്കുകളിലേക്ക് താന് പോകുന്നതെന്നും അദ്ദേഹം പറഞ്ഞു.
ത്രില്ലടിപ്പിക്കുന്ന ഒരു സബ്ജക്ട് വിനയന് ഉണ്ടാക്കാന് സാധിക്കും അത് നമുക്ക് ചെയ്യാം എന്നാണ് മോഹന്ലാല് എന്നോട് പറഞ്ഞത്.അദ്ദേഹത്തിന്റെ താരമൂല്യം ഉയര്ത്തിക്കാണിക്കുന്ന ഒരു മാസ് ചിത്രമാവണം ലാല് ചെയ്യേണ്ടത് എന്നാണ് എന്റെയും അഭിപ്രായം. അതിന്റെ പണിപ്പുരയിലാണ് ഞാനും.
പത്തൊമ്ബതാം നൂറ്റാണ്ട് തീര്ന്നാല് ഉടന് തന്നെ ആ ചിത്രത്തിന്റെ എഴുത്തുകളിലേക്ക് കടക്കും. പത്തൊമ്ബതാം നൂറ്റാണ്ടിന്റെ തൊണ്ണൂറ് ദിവസത്തോളം ഷൂട്ട് കഴിഞ്ഞു. ഇനി ഒരു മാസത്തെ ചിത്രീകരണം ബാക്കിയുണ്ട്.
കൂടാതെ വലിയ പോസ്റ്റ് പ്രൊഡക്ഷന് വര്ക്കുകള് വേണ്ട ചിത്രം കൂടിയാണിത്. സമയമെടുക്കും. എങ്കിലും അടുത്ത വര്ഷം ആദ്യത്തോടെ ചിത്രം പുറത്തിറങ്ങും എന്ന് തന്നെയാണ് പ്രതീക്ഷ. അതിന് ശേഷം വലിയ ചിത്രവുമായി ഞാന് വരും അതാകും ഒരുപക്ഷേ ലാലിന്റെ ചിത്രം. വിനയന്