നോര്‍ത്ത് അമേരിക്കന്‍ ചലച്ചിത്ര പുരസ്കാരങ്ങള്‍ പ്രഖ്യാപിച്ചു. കൊച്ചിയില്‍ നടന്ന വാര്‍ത്താ സമ്മേളനത്തിലാണ് പുരസ്കാരം പ്രഖ്യാപിച്ചത്. ദുല്‍ഖര്‍ സല്‍മാന്‍, ഫഹദ് ഫാസില്‍, മഞ്ജു വാര്യര്‍ എന്നിവര്‍ പുരസ്കാരം സ്വന്തമാക്കി. ജനപ്രിയ നടനുള്ള പുരസ്കാരം സോളോ, പറവ തുടങ്ങിയ ചിത്രത്തിലൂടെയാണ ദുല്‍ഖര്‍ സ്വന്തമാക്കിയത്. ഉദാഹരണം സുജാതയിലെ പ്രകടനമാണ് മഞ്ജു വാര്യരെ ജനപ്രിയ നടിയാക്കിയത്.
തൊണ്ടി മുതലും ദൃക്സാക്ഷിയും, ടേക്ക് ഒാഫ് തുടങ്ങിയ ചിത്രങ്ങളിലെ പ്രകടനത്തലൂടെ മികച്ച നടനുള്ള ക്രിട്ടിക് പുരസ്കാരം ഫഹദ് ഫാസില്‍ സ്വന്തമാക്കി. പാര്‍വതിയാണ് മികച്ച നടി. മികച്ച ചിത്രവും തൊണ്ടി മുതലാണ്. അങ്കമാലി ഡയറീസ് ഒരുക്കിയ ലിജോ ജോസ് പെല്ലിശേരിയാണ് മികച്ച സംവിധായകന്‍.
യൂത്ത് െഎക്കണ്‍ പുരസ്കാരത്തോടൊപ്പം മായാനദിയിലൂടെ ഒൗട്ട് സ്റ്റാന്‍ഡിങ് പ്രകടനത്തിനും യുവ നടന്‍ ടൊവിനോ തോമസ് അര്‍ഹനായി. മായാ നദിയിലെ നായിക െഎശ്വര്യ രാജേഷ് നടിമാരില്‍ ഒൗട്ട് സ്റ്റാന്‍ഡിങ് പെര്‍ഫോമന്‍സിനുള്ള പുരസ്കാരം നേടി. കുഞ്ചാക്കോ ബോബനാണ് ജനപ്രിയ നായകന്‍. ഹരീഷ് കണാരന്‍ ഹാസ്യ താരമായി തിരഞ്ഞെടുക്കപ്പെട്ടു.
ജൂണ്‍ 30, ജൂലൈ ഒന്ന് ദിവസങ്ങളിലായി ന്യൂയോര്‍കിലും ടൊറേന്‍റായിലുമാണ് ചടങ്ങുകള്‍ നടക്കുക. നോര്‍ത്ത് അമേരിക്കയിലെ മലയാളികള്‍ക്കിടയില്‍ നടന്ന വേെട്ടടുപ്പിലാണ് പുരസ്കാരങ്ങള്‍ പ്രഖ്യാപിച്ചത്.
മറ്റ് പുരസ്കാരങ്ങള്‍
മികച്ച സഹനടന്‍ – അലന്‍സിയര്‍ (തൊണ്ടിമുതലും ദൃക്സാക്ഷിയും)
മികച്ച സഹനടി – ശാന്തികൃഷ്ണ (ഞണ്ടുകളുടെ നാട്ടില്‍ ഒരിടവേള)
മികച്ച സ്വഭാവ നടന്‍ – സുരാജ് വെഞ്ഞാറമൂട് (തൊണ്ടിമുതലും ദൃക്സാക്ഷിയും)
മികച്ച സ്വഭാവ നടി – സുരഭി ലക്ഷ്മി
മികച്ച വില്ലന്‍ – ജോജു ജോര്‍ജ് (രാമന്റെ ഏദന്‍തോട്ടം)
മികച്ച സംഗീതം – ഗോപി സുന്ദര്‍ (ഉദാഹരണം സുജാത)
മികച്ച ഗായകന്‍ – വിജയ് യേശുദാസ് (വിവിധ ചിത്രങ്ങള്‍)
മികച്ച ഗായിക – സിതാര (ഉദാഹരണം സുജാത)
മികച്ച തിരക്കഥ – ചെമ്ബന്‍ വിനോദ് (അങ്കമാലി ഡയറീസ്) ശ്യാം പുഷ്കരന്‍, ദിലീഷ് നായര്‍ (മായാനദി)
പുതുമുഖ സംവിധായകന്‍ – സൗബിന്‍ ഷാഹിര്‍ (പറവ)
മികച്ച ഛായാഗ്രഹകന്‍ – മധു നീലകണ്ഠന്‍
പ്രത്യേക ജൂറി പുരസ്കാരം – നീരജ് മാധവ് (പൈപ്പിന്‍ ചുവട്ടിലെ പ്രണയം)
ലൈഫ്ടൈം അച്ചീവ്മെന്റ് പുരസ്കാരം – ബാലചന്ദ്ര മേനോന്‍
മികച്ച ബാലതാരം – അനശ്വര രാജന്‍ (ഉദാഹരണം സുജാത)
