ന്യൂദല്‍ഹി: നൈജീരിയയില്‍ അഞ്ച് ഭാരത നാവികരെ കടല്‍ക്കൊള്ളക്കാര്‍ തട്ടിക്കൊണ്ടുപോയി. നൈജീരിയയിലെ ഡെല്‍റ്റാ സംസ്ഥാനത്തെ വാരിയില്‍ വച്ചാണ് ഭാരതീയരെ കൊള്ളസംഘം തട്ടിക്കൊണ്ടുപോയത്. വാര്‍ത്ത ഇന്ത്യന്‍ വിദേശകാര്യ മന്ത്രാലയം സ്ഥിരീകരിച്ചു. നാവികരെ കുറിച്ച് കൂടുതല്‍ വിവരങ്ങള്‍ ലഭിച്ചിട്ടില്ല.
അതേസമയം കടല്‍ക്കൊള്ളക്കാര്‍ തട്ടിക്കൊണ്ടുപോയ 5 നാവികരും സുരക്ഷിതരാണെന്ന് വിദേശകാര്യ മന്ത്രി സുഷമ സ്വരാജ് അറിയിച്ചു. അവരുടെ മോചനത്തിനായുള്ള ശ്രമങ്ങള്‍ നടന്നുകൊണ്ടിരിക്കുകയാണെന്നും മന്ത്രി പറഞ്ഞു.
