മുംബൈ: പഞ്ചാബ് നാഷണല് ബാങ്ക് തട്ടിപ്പ് കേസിലെ പ്രതി നീരവ് മോദിയുടെ ആഡംബര കാറുകള് എന്ഫോഴ്സ്മെന്റ് പിടിച്ചെടുത്തു. ഒന്പതു കാറുകളാണ് എന്ഫോഴ്സ്മെന്റ് പിടിച്ചെടുത്തത്. തട്ടിപ്പ് കേസുമായി ബന്ധപ്പെട്ട് നിരവധി സ്ഥലങ്ങളില് കഴിഞ്ഞ ദിവസവും എന്ഫോഴ്സ്മെന്റ് പരിശോധന നടത്തിയിരുന്നു.
മുംബൈ, ബംഗളൂരു, അഹമ്മദാബാദ്, ചെന്നൈ, ബിഹാര്, ലക്നോ, ഹൈദരാബാദ്, ഡല്ഹി എന്നിവിടങ്ങളിലെ വിവിധ കേന്ദ്രങ്ങളിലാണ് കഴിഞ്ഞ ദിവസം എന്ഫോഴ്സ്മെന്റ് പരിശോധന നടത്തിയത്. നീരവ് മോദിയുടെ മുംബൈയിലെ വീട്ടിലും പരിശോധന നടത്തിയിരുന്നു. ഏകദേശം 5,674 കോടിയുടെ സ്വത്തുക്കള് പിടിച്ചെടുത്തിട്ടുണ്ടെന്ന് എന്ഫോഴ്സമെന്റ് അറിയിച്ചിരുന്നു.