ന്യൂഡല്ഹി: പഞ്ചാബ് നാഷണല് ബാങ്ക് തട്ടിപ്പില് പ്രതിയായി വിദേശത്തേക്ക് കടന്ന വജ്രവ്യാപാരി നീരവ് മോദിയെയും കുടുംബത്തെയും രാജ്യം വിടാന് അനുവദിച്ചത് കേന്ദ്രസര്ക്കാറാണെന്ന ആരോപണവുമായി കോണ്ഗ്രസ്.രാഹുല് ഗാന്ധിയാണ് ട്വിറ്ററിലുടെ ആരോപണം ഉന്നയിച്ചത്. മോദി ഇന്ത്യയെ കൊള്ളയടിക്കുന്നുവെന്ന ഹാഷ്ടാഗോടും തട്ടിപ്പുകാരുടെ രക്ഷപ്പെടല് േഫാര്മുല എന്ന തലക്കെട്ടും കൂടിയാണ് ട്വീറ്റ്.’ഉഡാന്’ എന്നത് മോദി സര്ക്കാര് ഫാഷനായി ഉപയോഗിച്ച വാക്ക് മാത്രമാണെന്ന് കോണ്ഗ്രസ് നേതാവ് രണ്ദീപ് സിങ് സുര്ജെവാലയും ആരോപിച്ചു. കുറഞ്ഞ ചെലവില് വിമാനയാത്ര സാധ്യമാക്കുന്ന പദ്ധതിയുടെ പേരാണ് ഉഡാന്. ഹിന്ദിയില് ഉഡാന് എന്നാല് പറക്കുക എന്നാണര്ഥം. എല്ലാ തട്ടിപ്പുകാര്ക്കും കൊള്ളയടിച്ച ശേഷം പരിശോധനയില്ലാതെ പറക്കാമെന്നും അദ്ദേഹം പറഞ്ഞു. അന്വേഷണ ഏജന്സികള് പിടിക്കുന്നതിന് തൊട്ടു മുമ്ബ് ലളിത് മോദി, വിജയ് മല്യ എന്നിവര് വിദേശത്തേക്ക് രക്ഷപ്പട്ടതിനെ പരിഹസിച്ചുകൊണ്ടായിരുന്നു അദ്ദേഹം.
FLASHNEWS