കോട്ടയം: ദുരഭിമാന കൊലയ്ക്ക് ഇരയായ കെവിന്റെ ഭാര്യ നീനുവിന് ജോലിയും കുടുംബത്തിന് സ്വന്തമായി വീടും നല്‍കുമെന്ന് സി.പി.എം സംസ്ഥാന സെക്രട്ടറി കോടിയേരി ബാലകൃഷ്ണന്‍.
കെവിന്റെ വിവാഹത്തിന് തടസ്സമുണ്ടായപ്പോള്‍ സഹായിച്ചത് ഡി.വൈ.എഫ്.ഐ പ്രവര്‍ത്തകരാണ്. കെവിനെ തട്ടിക്കൊണ്ടുപോയതില്‍ രണ്ട് പേര്‍ ഡി.വൈ.എഫ്.ഐ പ്രവര്‍ത്തകര്‍ ആയിരുന്നിട്ടും സര്‍ക്കാര്‍ സംരക്ഷണം കൊടുത്തില്ല. ബാക്കിയുള്ള പ്രതികള്‍ കോണ്‍ഗ്രസുകാരാണെന്ന് അറിഞ്ഞിട്ടും മാധ്യമങ്ങള്‍ അക്കാര്യം മറച്ചുവെച്ചെന്നും കോടിയേരി പറയുകയുണ്ടായി. കെവിന്റെ കുടുംബം അനാഥരായിപ്പോകാതിരിക്കാനുള്ള എല്ലാ മുന്‍കരുതലുകളും സര്‍ക്കാര്‍ ഒരുക്കുമെന്നും അദ്ദേഹം വ്യക്തമാക്കി.
ചെങ്ങന്നൂര്‍ ഉപതെരഞ്ഞെടുപ്പ് ദിനം ആഘോഷപരിപാടിയായി ദൃശ്യമാധ്യമങ്ങള്‍ അവതരിപ്പിച്ചെങ്കിലും ഏറ്റവും ഇയര്‍ന്ന രാഷ്ട്രീയ പ്രബുദ്ധതയുള്ളവരാണ് ചെങ്ങന്നൂരിലെ ജനങ്ങളെന്ന് തെരഞ്ഞെടുപ്പ് ഫലം തെളിയിച്ചുവെന്നും കോടിയേരി വ്യക്തമാക്കി.
