പാലക്കാട്: നാർക്കോട്ടിക് ജിഹാദ് പരാമർശത്തിന്റെ പേരിൽ ബിജെപി രാഷ്ട്രീയ മുതലെടുപ്പിന് ശ്രമിക്കുകയാണെന്ന് രമേശ് ചെന്നിത്തല എംഎൽഎ. പാലക്കാട്ട് മാധ്യമപ്രവർത്തകരോട് സംസാരിക്കുകയായിരുന്നു അദ്ദേഹം.
വിഷയത്തിൽ കോണ്ഗ്രസും യുഡിഎഫും രാഷ്ട്രീയ മുതലെടുപ്പ് ലക്ഷ്യംവയ്ക്കുന്നില്ല. മതേതരത്വം സംരക്ഷിക്കാൻ എല്ലാവരും തയാറാകണം. വിഷയത്തിൽ സർക്കാർ പാലിക്കുന്ന മൗനം സാഹചര്യം കൂടുതൽ വഷളാക്കി. ഇത്തരം തർക്കങ്ങൾക്ക് കുടപിടിക്കുന്ന നടപടിയാണ് സർക്കാരിന്േറതെന്നും വിഷയത്തിൽ സർക്കാർ ഇടപെടണമെന്നും രമേശ് ചെന്നിത്തല ആവശ്യപ്പെട്ടു.