കൊച്ചി: ചൊവ്വാഴ്ച മുതല്‍ അനിശ്ചിതകാല സമരം പ്രഖ്യാപിച്ചിരിക്കുന്ന സ്വകാര്യ ആശുപത്രിയിലെ നഴ്സുമാരുമായി സര്‍ക്കാര്‍ നടത്തിയ ചര്‍ച്ച പരാജയപ്പെട്ടു. നഴ്സുമാരുടെ സംഘടനാ പ്രതിനിധികളുമായി ഇന്ന് ലേബര്‍ കമ്മീഷണര്‍ നടത്തിയ ചര്‍ച്ചയാണ് തീരുമാനമാകാതെ പിരിഞ്ഞത്. ഇതേതുടര്‍ന്നു സര്‍ക്കാര്‍ ചൊവ്വാഴ്ച വീണ്ടും പ്രതിനിധികളുമായി ചര്‍ച്ച നടത്തും.
കഴിഞ്ഞ വര്‍ഷം സര്‍ക്കാര്‍ പ്രഖ്യാപിച്ചിരിക്കുന്ന അടിസ്ഥാന ശന്പളം നല്‍കണമെന്ന് ആവശ്യപ്പെട്ടാണ് നഴ്സുമാരുടെ സമരം. ഈ മാസം മുതല്‍ അടിസ്ഥാന ശന്പളം നല്‍കുന്ന ആശുപത്രികളെ സമരത്തില്‍നിന്നു ഒഴിവാക്കുമെന്നും കഴിഞ്ഞ ദിവസം യുഎന്‍എ പ്രതിനിധികള്‍ പറഞ്ഞിരുന്നു.
ഹൈക്കോടതി സ്വകാര്യ ആശുപത്രികളിലെ നഴ്സുമാരുടെ സമരം താത്കാലികമായി വിലക്കിയതിനെ തുടര്‍ന്നു ചൊവ്വാഴ്ച മുതല്‍ നഴ്സുമാര്‍ കൂട്ട അവധിയെടുത്ത് പ്രതിഷേധിക്കാനാണ് ഒരുങ്ങുന്നത്. സംസ്ഥാനത്തെ 457 സ്വകാര്യ ആശുപത്രികളില്‍ ജോലി ചെയ്യുന്ന 62,000-ത്തോളം നഴ്സുമാര്‍ അവധിയെടുത്ത് ജോലിയില്‍ നിന്ന് വിട്ടുനില്‍ക്കാനൊരുങ്ങുന്നത്.
