മുംബൈ: കനത്ത മഴ തുടരുന്ന മുംബൈയില്‍ വ്യോമ, റെയില്‍, റോഡ് ഗതാഗതം താറുമാറായി. പ്രധാനപ്പെട്ട പല റോഡുകളും വെള്ളത്തിനടിയില്‍ ആയതോടെ വ്യാപക ഗതാഗതകുരുക്കാണ് മുംബൈയില്‍ അനുഭവപ്പെടുന്നത്.
മുംബൈ വിമാനത്താവളത്തില്‍ നിന്നുള്ള ഏഴ് വിമാനങ്ങള്‍ റദ്ദാക്കി. പത്തോളം വിമാനങ്ങള്‍ വഴിതരിച്ച്‌ വിടുകയും ചെയ്തു. സര്‍വീസ് നടത്തുന്ന വിമാനങ്ങള്‍ക്ക് ചുരുങ്ങിയത് 30 മിനിറ്റിന്‍റെ കാലതാമസുണ്ടെന്നും വിമാനത്താവള അധികൃതര്‍ അറിയിച്ചു. ലോക്കല്‍ സര്‍വീസ് ഉള്‍പ്പെടെയുള്ള ട്രെയിന്‍ സര്‍വീസുകളെയും മഴ ബാധിച്ചിട്ടുണ്ട്.
