മലപ്പുറം: കനത്തമഴയില് മരംവീണ് മലപ്പുറം നിലമ്ബൂരില് മൂന്നു പേര് മരിച്ചു. അപകടത്തില് ഏഴുപേര്ക്ക് പരുക്കേറ്റു. പൂളയ്ക്കപ്പാറ കോളനിയിലെ വെള്ളകന്, പാട്ടക്കരിമ്ബ് കോളനിയിലെ ചാത്തി എന്നിവരാണ് മരിച്ചത്. നെല്ലിക്കുത്ത് ആദിവാസി ഉല്സവത്തിനിടെയായിരുന്നു അപകടം.
തെക്കന് ബംഗാള് ഉള്ക്കടലില് രൂപം കൊള്ളുന്ന ന്യുനമര്ദ്ദം ചുഴലിക്കാറ്റായി രൂപപ്പെടാന് സാധ്യതയുണ്ടെന്ന മുന്നറിയിപ്പിനെ തുടര്ന്ന് നാലു ജില്ലകളില് യെല്ലോ അലര്ട്ട് പ്രഖ്യാപിച്ചിട്ടുണ്ട്. എറണാകുളം, ഇടുക്കി, തൃശൂര്, മലപ്പുറം ജില്ലകളിലാണ് യെല്ലോ അലര്ട്ട്. തിങ്കള്, ചൊവ്വ, ബുധന് ദിവസങ്ങളില് സംസ്ഥാനത്തൊ ട്ടാകെയും ഈ ജില്ലകളില് പ്രത്യേകിച്ചും കനത്ത മഴയ്ക്കു സാധ്യതയെന്നാണു മുന്നറിയിപ്പ്.
ദക്ഷിണ ബംഗാള് ഉള്ക്കടലില് തെക്ക് കിഴക്കന് ശ്രീലങ്കയോടു ചേര്ന്നുള്ള സമുദ്ര ഭാഗത്താണ് ന്യൂനമര്ദം രൂപം കൊള്ളുന്നത്. വെള്ളിയാഴ്ചയോടു കൂടി ന്യൂന മര്ദം രൂപപ്പെടാനും അടുത്ത 36 മണിക്കൂറില് അതൊരു തീവ്ര ന്യൂനമര്ദമായി പരിണമിക്കാനുമുള്ള സാധ്യത കേന്ദ്ര കാലാവസ്ഥാ നിരീക്ഷണ കേന്ദ്രം പ്രവ ചിച്ചിട്ടുണ്ട്.
ചുഴലിക്കാറ്റായി മാറാന് സാധ്യതയുള്ള ന്യൂനമര്ദം തമിഴ്നാട് തീരത്ത് നാശം വിതച്ചേക്കും. മത്സ്യത്തൊഴിലാളികള് ഇന്ത്യന് മഹാസമുദ്രത്തിന്റെ ഭൂമധ്യരേഖാ പ്രദേശത്തും അതിനോട് ചേര്ന്നുള്ള തെക്ക് പടിഞ്ഞാറന് ബംഗാള് ഉള്ക്കടലിലും, തമിഴ്നാട് തീരത്തും മത്സ്യബന്ധനത്തിന് പോകരുതെന്നു നിര്ദേശം നല്കിയി ട്ടുണ്ട്. ആഴക്കടലില് മത്സ്യബന്ധനത്തിനു പോയിട്ടുള്ളവര് തൊട്ടടുത്ത തീരത്തേക്ക് ഉടന് മടങ്ങിയെത്താനും നിര്ദേശമുണ്ട്.
എറണാകുളം, ഇടുക്കി, തൃശൂര്, മലപ്പുറം, പത്തനംതിട്ട, കോട്ടയം, വയനാട്, കോഴിക്കോട്, പാലക്കാട് എന്നി ജില്ലകളില് ഉരുള്പൊട്ടല് സാധ്യത ഉള്ളതിനാല് രാത്രി സമയത്ത് മലയോര മേഖലയിലേക്കുള്ള യാത്ര ഒഴിവാക്കണമെന്നു നിര്ദേശമുണ്ട്.
