ദുബൈ: യു.എ.ഇയിലെത്തിയാല് ഒരുകായിക താരത്തിന് പോകാന് ഒരുപാട് സ്ഥലങ്ങളുണ്ട്. എന്നാല് പോര്ചുഗലിന്റെ സൂപ്പര് താരം ക്രിസ്റ്റ്യാനോ തെരഞ്ഞെടുത്ത സ്ഥലം ജിംനേഷ്യമായിരുന്നു.
അവിടെ ക്രിസ്റ്റ്യാനോയെ കാത്ത് ഒരു സ്പെഷ്യല് അതിഥിയുമുണ്ടായിരുന്നു. ദുബൈ കിരീടാവകാശി ശൈഖ് ഹംദാന് ബിന് മുഹമ്മദ് ബിന് റാഷിദ് അല് മക്തൂമായിരുന്നു റോണോയുടെ ആ സുഹൃത്ത്.
ദുബൈയിലെ നാദ് അല് ഷെബ സ്പോര്ട്സ് കോംപ്ലക്സിലെ ജിമ്മില് വെച്ചാണ് ഇരുവരും ഒന്നിച്ചത്.നിങ്ങളെ കാണുമ്ബോഴെല്ലാം സന്തോഷം ബ്രോ…’ എന്ന അടിക്കുറിപ്പേടെ റോണോ ഇരുവരുമൊന്നിച്ച് ട്രെഡ്മില്ലില് നില്ക്കുന്ന ചിത്രം ഇന്സ്റ്റഗ്രാമില് പങ്കുവെച്ചു.
നിമിഷ നേരം കൊണ്ട് ചിത്രം വൈറലായി. ചിത്രം ഷെയര് ചെയ്ത ഹംദാന് ‘സുഹൃത്തേ എല്ലായ്പ്പോഴും സ്വാഗതം’ എന്ന് കുറിച്ചു. ഇരുവരും വ്യായാമം ചെയ്യുന്ന ചെറുവിഡിയോയും ഹംദാന് പങ്കുവെച്ചു.