ബംഗളൂരു: കര്‍ണാടകയില്‍ ഞായറാഴ്ച 8,191 പേര്‍ക്ക് കോവിഡ് സ്ഥിരീകരിച്ചു. 24 മണിക്കൂറിനിടെ 101 പേര്‍ കോവിഡിനെ തുടര്‍ന്ന് മരണപ്പെട്ടു. 8,611 പേര്‍ രോഗമുക്തി നേടുകയും ചെയ്തു.
ഇതോടെ സംസ്ഥാനത്ത് ഇതുവരെ രോഗം സ്ഥിരീകരിച്ചവരുടെ എണ്ണം 5,19,537 ആയി. നിലവില്‍ 98,043 പേരാണ് ചികിത്സയിലുള്ളത്. 4,13,452 പേര്‍ ഇതുവരെ രോഗമുക്തി നേടിയിട്ടുണ്ട്.
തമിഴ്‌നാട്ടില്‍ 5,516 പേര്‍ക്കാണ് കോവിഡ് സ്ഥിരീകരിച്ചത്. ഇതോടെ സംസ്ഥാനത്തെ ആകെ കോവിഡ് ബാധിതരുടെ എണ്ണം 5,41,993 ആയി ഉയര്‍ന്നു. 46703 പേരാണ് നിലവില്‍ ചികിത്സയിലുള്ളത്. 24 മണിക്കൂറിനിടെ 60 പേരുടെ മരണവും പുതിയതായി റിപ്പോര്‍ട്ട് ചെയ്തു. ഇതോടെ സംസ്ഥാനത്ത് ഇതുവരെ രോഗബാധയെ തുടര്‍ന്ന് മരണപ്പെട്ടവരുടെ എണ്ണം 8811 ആയി.
